更多
2022-10-15
707 瀏覽
每次口痕,就會諗到去太安樓,貪佢交通方便,選擇多,小食鋪又夠集中。原來地鐵站對面開左間小老板,專賣鍋貼, 生煎包,小籠包。以前讀書時期,成日去炮台山橋底嗰間食,太懷念了。價錢好似時光倒流咁。$10三隻鍋貼或小籠包。實在平得過份,唔買就真係對唔住自己。等食中見到靚仔哥哥,新鮮整鍋貼今次買左鍋貼,生煎包,紅油抄手同小籠包番屋企食。全部夾埋都只係$70,超抵。生煎包麵包好軟綿, 底部有焦香味。小籠包皮薄,爸爸一咬,肉汁就爆出嚟,最好一啖食哂。鍋貼底煎到焦香又香脆,食落脆口,肉汁豐富 。媽咪讚不絕口紅油抄手唔算辣,皮薄,肉細細粒。
張貼