新泰東南亞餐廳 (已結業)

收工諗住同個朋友去食啲嘢，佢就推介左一間新派泰國餐廳，話同啲同事食過都算抵食夾大件喎！ 我哋嗌左香芒牛油果軟殼蟹卷($88)，蒜蓉包($30)，馬拉盞通菜($72)同padthai($98)。軟殼蟹卷真係好好食，芒果好清新，點埋啲泰式甜辣醬，好開胃，軟殻蟹啱啱炸出來，唔會過油，芒果亦都好甜好夾。蒜蓉包嘅蒜蓉唔會太過油膩但係都好香牛油味，一上菜嘅時候已經令人食指大動啦！通菜份量都唔輸蝕，兩個女仔一定夠食，好鍾意食泰國菜個種辣，辣得黎唔會想停，會令人想再繼續食落去。最後嘅Padthai都很出色，一上菜見到有個黃色好似菠蘿包咁樣嘅嘢，原來係師傅將蛋擺咗上去，好有心機，花生亦都炒得好香，金邊粉唔會過油，亦都有蛋絲同芽菜，仲有四隻鮮蝦，份量其實兩個女仔真係會食得晒㗎！下次一定會再同大班朋友黎，就可以試其他野啦！