稻香 (德福廣場2期)

營業中

休息中

昨晚到九龍灣德福廣場稻香晚飯，特價餸又轉了新款，都幾扺食。香脆燒腩肉拼粟米墨魚餅 $58燒肉皮雖然夠脆，但略為鹹，除咗皮比較鹹以外，肉嘅味道都香，質地都夠滑。粟米墨魚餅雖然有墨魚香味和彈牙，但有些油膩。鮮味龍躉兩味 $128清蒸頭腩這道菜唔錯，魚身夠滑，用了豬肉絲和香菇絲舖上魚身面一齊蒸，令肉絲和香菇的精華都滲入了魚肉裏面，令魚肉味道更加突出。翡翠炒件用了龍躉片、翠肉瓜、雲耳和青紅椒一齊炒， 龍躉片夠滑和鮮甜，其他的材料都吸收了魚香的精華，整碟菜都覺得好夾。