添喜冰室 (已結業)

同事生左BB，今日放假去廣華醫院探望一下，老公之後來接我去食晚餐，經過廣華街，見到一間燈光明亮的添喜冰室，應該是近期新開。望入去餐廳地方整潔，兩邊有梳化位，睇下門口餐牌食物都啱食，價錢吾貴又冇加一，老公說入去試下！老公最喜歡食焗飯，叫了焗咖哩薯仔雞扒飯：剛焗好熱騰騰，咖哩味香味四溢，雞扒已切件，嫩滑入味，咖哩汁濃郁味帶辣，撈飯食甚惹味。加3元有凍飲，凍鴛鴦：甜度適中，冰凍夠濃味。星洲炒米粉：有鑊氣又足料，有蝦仁、火腿、蛋絲、义燒、三色椒和洋蔥，米粉爽口，調味加左咖哩，咖哩味香帶點微辣，好味！特紅豆冰特飲加10元，紅豆林甜，椰奶味香濃。BBQ雞翼，即叫即做，雞翼炸至皮脆肉嫩，加左特製醬汁和香草，味道帶微酸，醒胃不油膩。