卡莎338 (已結業)

之前聽朋友講長沙灣有間西餐幾扺食，收工即管同朋友去試下可能平日既關係，都唔算好多人，但一入去環境都幾舒服。一坐底就睇下有咩食，睇黎睇去兩個人好似食二人餐會比較扺。我地揀左和牛二人套餐 $398首先上菜既係忌廉湯配蒜蓉多士，熱辣辣好開胃之後就係二人小食拼盤實在太開心啦，有雞翼、春卷同薯條！份量都算幾多，同朋友都擔心之後會無肚食😂徳國咸豬手送上，好耐無食過豬手，雖然味道一般，但還可以接受。最後就係和牛肉眼我地嗌左五成熟，配薯條牛扒煎得好好，好好食，份量都好夠特別推介下呢度有好多唔同款式既酒，朋友加左五十幾蚊飲，都幾扺總括黎講，味道好味之如價錢仲幾實惠，值得一試