漁之部屋 (已結業)

將軍澳最近開左唔少新商場，天晉匯就係其中一個新開幕既商場，入面有西式、中式同日式餐廳，小編就揀左日式放題餐廳「漁之部屋」食晚餐。首先環境方面，裝修似cafe 設計，簡簡單單，有一些星星擺設，燈光以黃色為主，給人溫暖既感覺，其次食物方面，絕對高質，三文魚顏色鮮豔，肥美可口，加上佢係厚切令嘴巴層次感更高，燒物方面，小編獨愛菠蘿，菠蘿鮮甜，燒完有甜甜酸酸既味道減低放題既油膩感，再者不得不提係佢新推出既奶蓋紅茶，奶蓋芝士味濃，飲落去咸咸的，加上紅茶配合令奶蓋味道更濃郁，水準絕對比得上喜茶，小編忍唔住都飲左幾杯！最後價錢方面亦好扺，逢星期一至星期四有買6送1優惠，每人除開只係200蚊內就可食到2個鐘放題，而且當日生日仲會免費，真係非常抵，所以大家不妨試下！