水晶晶泰國餐廳 (已結業)

去大鴻輝匯豐理財中心, 成日會經過呢間泰國嘢, 每次都會畀佢嘅易拉架餐牌優惠所吸引, 今日有時間終於一試.坐低叫咗碗喇沙,凍檸茶, $36, 都算好抵食, 凍飲兩蚊都唔使加. (下午茶時段2:00至4:00)喇沙好大碗, 有好多餸, 幾隻蝦,幾粒魚蛋,仲有幾粒魚片頭, 但係蝦係冇味, 啲魚片頭都唔好食, 魚蛋就ok, 湯底偏咸, 個人唔太喜歡, 雖然好多餸,但係用啲唔好食嘅材料,畀多啲都冇用.不過下次經過都會試下其他嘢, 可能其他好食呢, 始終都想支持下呢啲食店, 因為如果佢哋淨係靠夜市, 我相信經營都好困難. 能推出一啲下午茶餐, 食客歡迎, 老闆又可以幫補下