泰閣 (已結業)

其實已經第二次食。上次食LUNCH, 今次食DINNER。由於新開的關係，平日的晚上人唔多，唔駛等位就可以入座，餐廳大部份都係卡位，另外有兩張圓枱俾10-12 人坐。得兩個人，我地叫左柚子大蝦沙律、香辣肉碎炒飯同埋軟殼蟹。柚子大蝦沙律個汁好惹味，微辣，同埋啲柚子勁靚，好JUICY。 軟殼蟹都OK! 份量都幾多, 切開應該有8舊左右。個飯唔知落左咩汁，個味都幾濃, 都OK!服務都幾好, WAITER會不停添水。我地6:45 食, 坐到10點鬆啲先走。基本上係一個野食, 服務都幾合心意的選擇。而家新開張人唔多，傾計一流。