影片
更多
2008-03-05
14 瀏覽
2008年3月5日早上7:30 懷舊冰廳/冰室之旅正式開始, 由灣仔去到佐敦麗香園, 依照各位食家推介order …沙爹牛麵、魚柳蛋…原來係一個set裡面有齊禁多野架! $21炸有1) 餐包/多士2) 麵類3) 蛋類4) 飲品1+2+3+4 = $21 抵到爛!沙牛男友當然係餐包+沙牛麵+魚柳蛋+熱奶茶, 我就多士+炸菜肉絲米+魚柳蛋+熱奶茶鹹餐包- 細細個, 幾得意, 味道唔錯, 好香! 細食者可以帶走遲D食多士–香脆! 牛油不多, 我鐘意!沙牛麵–正正! 鮮牛, 沙爹味唔濃, 但幾好食, 好過用大量味精蓋過雪牛味.魚柳蛋–正正正! 魚柳外脆內軟, 有魚味, 夠熱! 坊間茶記有呢個質素的不多. 必食! 蛋也OK! 唯一缺點係個碟底有好多油, 你話塊魚柳同蛋索左幾多油呢! 不過我地平時食得清淡, 偶然一次無傷肝啦!炸菜肉絲米–好味! 肉絲勁少! 不過總體味道很不錯.奶茶–味道普通, 少茶味, 但各位可留意一下, 佢地d茶杯是放係一個好似電飯煲既容器暖住, 好得意! 男友話依稀記得以前d茶記係禁…以上都唔係重點, 佢地d包同蛋榚先至最正啊! 食緊個餐果時, 已經見
沙牛男友當然係餐包+沙牛麵+魚柳蛋+熱奶茶, 我就多士+炸菜肉絲米+魚柳蛋+熱奶茶
鹹餐包- 細細個, 幾得意, 味道唔錯, 好香! 細食者可以帶走遲D食
多士–香脆! 牛油不多, 我鐘意!
沙牛麵–正正! 鮮牛, 沙爹味唔濃, 但幾好食, 好過用大量味精蓋過雪牛味.
魚柳蛋–正正正! 魚柳外脆內軟, 有魚味, 夠熱! 坊間茶記有呢個質素的不多. 必食! 蛋也OK! 唯一缺點係個碟底有好多油, 你話塊魚柳同蛋索左幾多油呢! 不過我地平時食得清淡, 偶然一次無傷肝啦!
炸菜肉絲米–好味! 肉絲勁少! 不過總體味道很不錯.
奶茶–味道普通, 少茶味, 但各位可留意一下, 佢地d茶杯是放係一個好似電飯煲既容器暖住, 好得意! 男友話依稀記得以前d茶記係禁…
以上都唔係重點, 佢地d包同蛋榚先至最正啊! 食緊個餐果時, 已經見到佢地一盤盤麵包搬出門口, 係係係…自家製嫁…已經好少有嫁啦! 好鐘意啊! d包個個都好”元氣”啊! 當然要買啦!
1)沙翁=蛋球–以為灣仔檀島已經係100分, 點知呢間係…150分, 又香, 又軟, 又大個, 無炸過火, 又平, 好似$4.5 唔係油淋淋, 好好好好好正!
2)大雞蛋榚–痴線架! 點會禁好食?! 微暖架, 蛋香味濃, 榚身又鬆又軟, $5.5一大個, 同樣係好好好好好正
3) 蛋白糖霜餅–又係好好味, 外面係蛋白餅, 撻底, 其實裡面係合桃, 好好好好味啊!
一定一定一定…x20 有下次, 今日太飽重有其他包類未試. 希望這店不要消失, 真係好食, 付出不等於收獲, 簡直超值!
張貼