影片
更多
2009-02-19
85 瀏覽
好耐冇去呢間，上星期去左兩次。第一次去食早餐；見到又換左人，早餐個男仔呀京唔見左。有兩個都未見過，成朝都係得班女侍應同埋有個唔知係個主任定部長。認得係得得阿連。早餐仲係冇牛扒，不過服務態度差過以前，果個女部長乜都冇講就放低個麵比我，我都唔係食呢個，我見咁都無謂出聲。埋單出去埋，我話埋單：佢彩都冇彩我就話２３蚊，有冇搞錯！佢就做野面黑黑，我又冇得罪佢；佢地個場好似冇左以前果種生氣，Ｄ侍應都死氣沉沉。 第二次係有一晚早收工，平時都唔會行過扒王；果晚想去沙龍打機行過扒王望下佢晚市個餐牌，見到好似幾靚，不過自己都心知圖片係只拱參考。我係門口睇兩睇有侍應行出黎介紹：先生係咪食扒？我地有Ｄ扒做緊推廣，其他飯意粉都有。入黎試下丫？ 我估唔到呢一區有餐廳仲會出黎拉下客，呢一下比佢打動到，印象真係深；佢帶左我同朋友座個卡位。拎左餐牌黎仲會開口問我有冇Ｄ咩想野可以介紹下，早餐同晚市係咪兩者可以相差咁大？早餐都話可以唔洗介紹，但係冇以前同埋而家應有服務態度；但係晚市既侍應同埋早餐可以差咁遠？令人好懷疑呢間公司既訓練係點樣？部長同埋男侍應個態度係兩回事，我冇睇個女部長個名牌係乜，不過我今次有睇呢個男侍
第二次係有一晚早收工，平時都唔會行過扒王；果晚想去沙龍打機行過扒王望下佢晚市個餐牌，見到好似幾靚，不過自己都心知圖片係只拱參考。我係門口睇兩睇有侍應行出黎介紹：先生係咪食扒？我地有Ｄ扒做緊推廣，其他飯意粉都有。入黎試下丫？ 我估唔到呢一區有餐廳仲會出黎拉下客，呢一下比佢打動到，印象真係深；佢帶左我同朋友座個卡位。拎左餐牌黎仲會開口問我有冇Ｄ咩想野可以介紹下，早餐同晚市係咪兩者可以相差咁大？早餐都話可以唔洗介紹，但係冇以前同埋而家應有服務態度；但係晚市既侍應同埋早餐可以差咁遠？令人好懷疑呢間公司既訓練係點樣？部長同埋男侍應個態度係兩回事，我冇睇個女部長個名牌係乜，不過我今次有睇呢個男侍應係咩名；原來佢係我之前以為已經冇做果個男侍應，同埋我又唔係好記得佢咩樣；我睇下佢名牌我先知佢係以前早餐令我有好印象果個男侍應，我今次有睇佢個名係御天京（？有人姓御？），夜晚同早餐係兩件事，早就全女班，夜係全男班；又換左新經理同部長。御侍應佢介紹我食果個窄身厚切肉眼８安士，我朋友就點左個鐵板肉眼；御侍應仲話兩種都係肉眼不過差好遠咪試下，個服務真係好好，就算唔好太好食個服務都好滿意，湯都ＯＫ；係酸左小小，有頭盤田螺；薯蓉太小；到主菜。個窄身厚切肉眼就真係唔算厚切，不過味道滿意；反觀鐵板肉眼果Ｄ味就係唔同。最尾御侍應仲會返黎問我地意見好唔好食，一流！真係好耐冇試過呢種西餐，以為而家香港已經冇後生會咁，之後有個睇年齡比另一個打呔既大應該係經理都過黎問我件扒點，我就知道係呢個經理教到佢Ｄ細咁樣，冇理由咁後生會有好前果種服務味道，經理冇名牌，講唔到咩名；男侍應比分真係要滿御天京同埋新經理，呢一個晚餐好滿意。
張貼