影片
更多
2018-05-30
1667 瀏覽
今日難得咁開心，去左一間睇到門口都令人充滿童既主題餐廳食飯，去到門口見到櫥窗見到三隻公仔排排坐等食，相當鬼馬！最岩一家大細去。入去到見到大大隻熊仔，如果小朋友見到瘋狂攬住隻熊仔。成間餐廳都棉花糖既吊掛裝潢，令人覺得好童話夢幻。坐底之後開始睇下有咩食，餐牌都十分夢幻，實在花多眼亂！之後黎左個外藉既侍應姐姐幫我地落單，我以為要講英文落單，原來對方係操一口流利廣東話，仲好好笑容！以下就係今晚既晚餐。藍柑奶昔 Sweet Dreams杯野飲一到我同我另一半好似小朋友咁好開心笑上黎，首先係一舊好似雲既棉花糖咁，上面有少少好似山渣碎，侍應姐姐都好細心，早已幫我地預備碟仔，方便可以將個舊雲空降係隻碟仔上面。棉花糖味道唔太甜，份量都相當足夠，兩個食絕對岩岩好。到砂冰部分，唔太水，食到起沙既感覺，味道似波子汽水。唔錯，奶昔質感夠幼滑，唔好有空心感。藍柑加埋奶昔既甜味，味道好獨特！羽衣甘藍配蕃茄湯 以賣相黎計，呢個餐湯係行緊精緻路線，精品。碟外面有紫薯蓉配紅蘿蔔蓉，比較少餐廳會用呢兩種食材做配搭。但味道出奇地好食！其次羽衣甘藍配蕃茄湯都相對少見，但以一個創新料理非常成功，羽衣甘藍方面經過有少少烘焙過處理，
藍柑奶昔 Sweet Dreams
杯野飲一到我同我另一半好似小朋友咁好開心笑上黎，首先係一舊好似雲既棉花糖咁，上面有少少好似山渣碎，侍應姐姐都好細心，早已幫我地預備碟仔，方便可以將個舊雲空降係隻碟仔上面。棉花糖味道唔太甜，份量都相當足夠，兩個食絕對岩岩好。
到砂冰部分，唔太水，食到起沙既感覺，味道似波子汽水。唔錯，奶昔質感夠幼滑，唔好有空心感。藍柑加埋奶昔既甜味，味道好獨特！
藍柑奶昔
28 瀏覽
0 讚好
0 留言
藍柑奶昔
15 瀏覽
0 讚好
0 留言
藍柑奶昔
27 瀏覽
0 讚好
0 留言
以賣相黎計，呢個餐湯係行緊精緻路線，精品。碟外面有紫薯蓉配紅蘿蔔蓉，比較少餐廳會用呢兩種食材做配搭。但味道出奇地好食！其次羽衣甘藍配蕃茄湯都相對少見，但以一個創新料理非常成功，羽衣甘藍方面經過有少少烘焙過處理，脆口，口感似食緊紫菜，帶有少少鹹味。蕃茄湯部分，飲到好濃味既蕃茄味，味道恰到好處，唔似市面濃縮湯。絕對推薦大家一試！
韓式泡菜卡邦尼扁意粉 $108
我個人一直都對創新料理抱一個期待態度，呢個意粉絕對有驚喜，好難想像一個泡菜可以同忌廉如此配合！可見廚師技藝何等高超！首先泡菜微辣可帶開胃感，味道絕對唔會死鹹。咬落口帶爽。
其次，泡菜卡邦尼中帶有洋蔥粒，煙肉，令到整個意粉既口感帶有更多既層次感，洋蔥粒有炒到金黃，有甜味帶出，一般洋蔥如果炒既時間唔夠耐，食既時候會帶有一種苦味，所以呢部分絕對滿分。最後意粉部分，意粉完整性高，食到好完整一整條，爽口彈牙。配合先前既醬汁，令到意粉既質素大大提高，我對呢個意粉相當中意！
韓式泡菜卡邦尼扁意粉
21 瀏覽
1 讚好
0 留言
韓式泡菜卡邦尼扁意粉
12 瀏覽
0 讚好
0 留言
加勒比海海鮮簿餅 $138
典型意大利薄餅組合，有蜆肉，菠蘿，魷魚，蝦，芝士，再以千島醬為薄餅底醬汁。值得一提幾方面，首先餅底係傳統意大利thin crust，帶有脆口之感，可以令到用餐既人唔會覺得食麵包既感覺第二，層次感多，如果以厚身既餅身會少一個層次感，會暗淡失色，比較普通，市面太多厚身餅底，以thin crust呈上絕對係聰明之舉，第三，海鮮唔會太乾，新鮮。食到有少量水份，份量足夠，菠蘿更加係新鮮，食到菠蘿甜味，而唔係糖水味，可見廚師相當用心，唔會將貨就價，絕對一流水準。最後醬汁方面，薄薄一層，唔會濕到滲透餅底。太厚會蓋過哂食少味道，所以整體本人都十分滿意！
加勒比海海鮮簿餅
11 瀏覽
0 讚好
0 留言
加勒比海海鮮簿餅
18 瀏覽
0 讚好
0 留言
最後，整間餐廳都比我有一種好溫暖既感覺，不論食物，服務態度都十分高水準，侍應姐姐，哥哥都以一個朋友身分去招待任何客人，當中有一小部份小朋友客人，佢地更會陪小朋友玩一陣，可見對絕對符合主題餐廳既童真感，整個氣氛相當開心！
張貼
