Zoe (已結業)

自從嚐過跑馬地Zoë蛋糕店極美味的1459蛋糕後不時專誠跑至銅鑼灣或灣仔分店返尋味。近年分店開至尖沙嘴及紅磡九龍區後常常於好友飯聚時談及美味1459。最後變成好友討蛋糕食的藉口。其實找數一樣係俾自己嘅藉口，鬼叫自己為食。一心到紅磡店買1459與三五下午茶分享，結果去到售罄。食唔到心頭好，空手回的話又點找數？退而求其次最後買咗 Zoe，Lychee Rose and Raspberry 及 Coffee Hazelnut 三款蛋糕。自己揀 Coffee Hazelnut 其餘就供分享品嚐。 蛋糕入口彷如法式焦糖燉蛋一般幼滑跟榛子粒的口感反差又重新帶回榛子特有香味，咖啡味及榛子香的平衡恰到好處。雖然食唔到最愛1459，不過分享美食本身己經係一件賞心樂事。