影片
更多
2024-05-13
14 瀏覽
🌟餐廳：正潮樓📍地址：銅鑼灣新寧道8號中國太平大廈第一期地下B號舖💰價位：～$400 - $800⏰營業時間：星期一至日12:00 - 15:00 / 18:00 - 23:00📱電話：21165519講起潮州菜，好友介紹我去一間承傳正宗潮州傳統文化既餐廳👉🏻銅鑼灣「正潮樓」分店，餐廳特意聘請國家級潮菜烹飪大師主理，即刻嚟到捧下場先😻 😻———————————————————🔹 鵝肉拼鵝肝潮州菜招牌菜式，取材潮汕澄海區獅頭鵝，肉質飽滿，鵝油豐盛，師傅將鵝肉切片起肉，薄薄嘅油脂搭配嫩滑嘅鵝肉，超級滿足！粉嫩嘅鵝肝入口滑順，細微咀嚼慢慢滲透出油香及滷水香氣，超出色！———————————————————🔹 紅燒魚翅招牌菜既紅燒魚翅，採用傳統古法處理，先將金勾翅發開，再用老雞及金華火腿等材料熬製湯頭，令金勾翅更入味～魚翅入口啖啖軟腍滑順，鹹鮮味濃！———————————————————🔹 富貴石榴蟹富貴石榴蟹係一道經典失傳潮州菜式，其製作過程工序繁多，先將新鮮肉蟹蒸熟後拆肉，搭配馬蹄等爽口食材作為餡料，外層再以蛋白煎成蛋皮，包裝成石榴形狀。蒸熟後餡料飽滿，再加上清澈嘅芡汁，最後加入蟹膏點綴，
📍地址：銅鑼灣新寧道8號中國太平大廈第一期地下B號舖
💰價位：～$400 - $800
⏰營業時間：星期一至日12:00 - 15:00 / 18:00 - 23:00
📱電話：21165519
講起潮州菜，好友介紹我去一間承傳正宗潮州傳統文化既餐廳👉🏻銅鑼灣「正潮樓」分店，餐廳特意聘請國家級潮菜烹飪大師主理，即刻嚟到捧下場先😻 😻
———————————————————🔹 鵝肉拼鵝肝
潮州菜招牌菜式，取材潮汕澄海區獅頭鵝，肉質飽滿，鵝油豐盛，師傅將鵝肉切片起肉，薄薄嘅油脂搭配嫩滑嘅鵝肉，超級滿足！
粉嫩嘅鵝肝入口滑順，細微咀嚼慢慢滲透出油香及滷水香氣，超出色！
———————————————————🔹 紅燒魚翅
招牌菜既紅燒魚翅，採用傳統古法處理，先將金勾翅發開，再用老雞及金華火腿等材料熬製湯頭，令金勾翅更入味～魚翅入口啖啖軟腍滑順，鹹鮮味濃！
———————————————————🔹 富貴石榴蟹
富貴石榴蟹係一道經典失傳潮州菜式，其製作過程工序繁多，先將新鮮肉蟹蒸熟後拆肉，搭配馬蹄等爽口食材作為餡料，外層再以蛋白煎成蛋皮，包裝成石榴形狀。蒸熟後餡料飽滿，再加上清澈嘅芡汁，最後加入蟹膏點綴，賣相精緻，入口層次感十足！
———————————————————🔹 玉枕白菜
玉枕白菜係最地道傳統嘅潮州手工菜式！選用豬頸肉、鮮蝦、蝦米及香菇等食材作為餡料，外層以嫩滑嘅津白菜包裹，經過炆煮後，津白入口juicy，索盡餡料嘅香氣，淡淡滲出潮州家鄉菜風味！
———————————————————🔹 脆皮酸甜蠔
主廚皇牌菜式！
選用台山蠔，大大隻夠晒肥美，外層炸至酥脆再搭配餐廳主廚自家研製酸甜汁，更能提升蠔肉嘅鮮甜味！
———————————————————🔹 香炒瑤柱鬆
香炒瑤柱鬆完美演繹師傅嘅廚藝！特別選用優質日本瑤柱，經過浸泡後，搭配馬蹄、韭菜及肉鬆爆炒，乾身得來，深透出瑤柱嘅香氣，再以生菜包裹，令口感更突出！
———————————————————🔹 梅汁蒸馬友魚
潮州位於沿海位置，漁獲甚豐，有獨特嘅烹魚技巧！呢道梅汁蒸馬友魚，馬友魚脂豐富又夠厚肉，加入酸香味十足嘅梅子汁精製，當中嘅酸味及魚脂嘅濃香完美搭配，食落鮮味十足！
———————————————————🔹 欖仁南瓜羹
欖仁南瓜羹，材料豐富，健康營養之選！將南瓜蒸熟再攬伴，加入上湯煮至滑順，同時加入欖仁熬製，形成濃稠湯羹，層次感豐富，每啖都嫩滑香甜，南瓜更是香氣濃郁！
———————————————————🔹 豆醬炒麻葉
麻葉係來自潮州既獨有蔬菜！麻葉即黃麻嘅嫩葉，纖維感十足，潮州人一向加入蒜蓉及普寧豆醬清炒，入口零舍惹味，味道微微甘，值得一試！
———————————————————🔹 芋頭炒香飯
潮汕家常炒飯，以砂鍋炒製，芋頭入口粉糯，搭配簡單嘅配料，米飯炒至粒粒分明，夠晒乾身，熱辣辣香噴噴！
———————————————————🔹菜脯炒粿條
傳統潮州主食！鹹鹹鹹香香嘅菜脯粒入口爽脆惹味，加入滑順嘅潮式粿條翻炒，夠晒滋味！
———————————————————🔹桔餅姜薯粿
潮式桔餅我都係第一次試！以潮汕地區特有嘅姜薯磨成泥狀，釀入潮州桔餅，蒸熟後，晶瑩剔透，入口Q彈粉糯，何其滿足！
———————————————————👅整體小總結
一向都好欣賞充滿地道特色嘅中菜！潮州菜亦係我喜愛菜式之一！
呢度提供嘅潮州菜，食材以至烹飪技巧，都充滿正宗潮州傳統特色，將簡單嘅食材變化出色香味俱全精緻潮州菜式！
加上餐廳裝修環境寬敞，陳設古色古香，用餐氛圍舒適，想一嘗正宗潮汕美食嘅朋友仔，不容錯過！
張貼
