Duck & Waffle (已結業)

Item: Duck & Waffle
Rating: 4
Author: Sik Ju Gong

254 食評

味道

環境

服務

衛生

抵食

28291

中環

$201-400

英國菜西式海鮮甜品/糖水烤肉

166

Sik Ju Gong

等級2

Duck and Waffle呢間嚟自英國嘅過江龍都開咗喺IFC一段時間，一直以嚟都係好難直接walk in就入到去食嘅名店😎。不過近年呢個情況就有啲改善喇，今次只係一日前喺Openrice book就book到🤣。仲記得幾年前嚟食都係À la carte，不過今次一去到侍應就放低咗個brunch menu，感覺上形式都有啲改變。Set Brunch Menu ($318)Set brunch嘅頭盤有三款，全部都for share。圖中見到嘅係兩人份量。Salmon Tartare第一款頭盤係三文魚他他。原本餐牌上寫嘅係牛肉他他，不過今日咁啱冇就改咗做三文魚。當然有少少失望喇☹️，不過味道都調得幾好。份量都唔會太少，只係三文魚實在有啲過於普通，令佢扣咗唔少分。Corn ‘Ribs’第二款就係烤粟米，可以話係呢度最好食嘅小食！用半條粟米烤，配上黑蒜辣椒醬，有一種濃濃嘅香烤味，粟米又唔會太乾，絕對係就算冇set menu都會à la carte叫嘅特色小食😋。Congee最後一款就係白粥。係，你無睇錯就係粥😂。我見到menu嗰時都有少少驚訝，不過睇嚟都係因為佢想迎合本地人口味而加嘅。但老實講

Corn ‘Ribs’

第二款就係烤粟米，可以話係呢度最好食嘅小食！用半條粟米烤，配上黑蒜辣椒醬，有一種濃濃嘅香烤味，粟米又唔會太乾，絕對係就算冇set menu都會à la carte叫嘅特色小食😋。

Congee

最後一款就係白粥。係，你無睇錯就係粥😂。我見到menu嗰時都有少少驚訝，不過睇嚟都係因為佢想迎合本地人口味而加嘅。但老實講我就唔係好受落，因為嚟得呢度就係想食西餐㗎嘛😅。上到枱個白粥不出所料係非常港式，有蔥有薑有榛子碎，水準亦都係普通。唯一驚喜嘅就係粥入面有加到溏心蛋🥚，呢個港日fushion可以幫個粥加番啲甜味，食落去都唔會咁寡口。個粥比較黏稠，鍾意食稀底嘅人就未必咁啱食喇😛。

Duck & Waffle

嚟到主菜，每人可以各揀一款。第一款當然就係呢度嘅主菜Duck & Waffle喇。半件waffle，一隻煎蛋，同埋一隻鴨脾🦆，仲有糖漿附上。雖然今次無人嚟教點食，不過就記得上次嚟個waitor教唔好吝嗇咁要倒好多糖漿，然後各切一小份加埋一齊食。雖然咁樣真係幾好食🙊，但太易肥喇🙈🙈，所以今次只係落咗少少。味就一定無之前咁足㗎喇，不過由於個鴨嘅油香味好重，所以依然係幾好食😍。我自己仲鍾意拮穿個蛋黃，等佢流入鴨肉同個waffle度，中和番個油膩嘅感覺。

Ox Cheek Benedict

另一款主菜就係牛頰肉egg benedict。上次嚟我就冇叫過，所以呢款都係第一次試🤤，結果係非常驚喜！其實佢個形式同頭先嘅Duck & Waffle好相似，都係有waffle喺底，同egg benedict之間夾住好多牛頰肉絲🐂。可能你會話嚟呢度食牛會唔會浪費咗呀？呢個牛頰肉由於唔係成塊而係碎上，入口比頭先嘅鴨脾更嫩味道更濃郁，令到每一啖嘅口感都好豐富，絕對值得大家一試😍。

Warm Chocolate Pudding

跟住就到甜品喇！甜品有兩款，每人都可以揀一款，唔使一定要各一。但我哋為咗試哂，所以都係揀哂兩款嚟試。第一款就係心太軟配黑芝麻雪糕。呢個心太軟老實講就有啲失望喇，一切出嚟朱古力做唔到流心嘅效果，個皮亦唔係好脆🥲。用上黑芝麻雪糕雖然係好特別嘅選揀，我個人亦好喜歡，不過就同心太軟唔多夾喇。

Maple Glazed Granny Smith Apple Waffle

另一款就係蘋果waffle配肉桂雪糕。呢個甜品食落去其實同apple cumble好相似，配上個waffle係底可以令佢口感更多層次，係一個幾突破嘅組合。另外肉桂雪糕亦係一個好特別嘅口味，雖然自己麻麻地肉桂，但食呢個嘅時候我反而覺得唔差，唔只接受到仲覺得幾多味，最重要係幾夾😝。不過佢就有少少偏甜，未必啱麻麻地好甜嘅人喇。