影片
更多
2022-12-04
62 瀏覽
平時好鍾意去太子黃店【Hami Harmony】食晚飯，因為佢小白屋木系設計充滿溫暖家居感覺。周圍有好多貓頭鷹同乾花擺設，再加上枱面葡萄牙風瓷磚，每一個角落都係打卡位。今日去到，小店已經整左聖誕佈置好有節日氣氛，不過同店長傾開，得悉餐廳1月2號就會結業嘅壞消息。店主會繼續經營觀塘區嘅烘焙教室Hami Bakery @hamibakery，用另一個方式去堅持夢想同理念。黑松露醬薯條 ($78)係廚師推介，每次嚟都要叫。薯條炸得挺身香脆，放得耐左都唔會變淋，亦唔覺得油膩。食落有薯香同微微鹹度，就算唔點醬都已經好好味，加埋黑松露醬係錦上添花。意式巴馬火腿配意大利黑醋汁 ($78)以為係佐酒小食得d火腿，點知配上大碟沙律菜超豐富。Parma Ham粉嫰，切到好薄脂肪分佈均勻。入口香得嚟唔會太鹹。黑醋酸酸甜甜，提升咗火腿嘅鮮味。北海道軟殼蟹配黑松露扁意大利粉 ($128)軟殼蟹都幾大隻炸得酥脆，手工Linguine煮到彈牙，黑松露醬汁香濃得嚟唔會太稠太黏口。配料有意大利青瓜同蘑菇，口感更加豐富。骯髒 ($42) 拿鐵咖啡 ($36)咖啡用本地工場炒豆，餘韻帶花香。"Dirty"鮮奶夠凍，趁上面E
平時好鍾意去太子黃店【Hami Harmony】食晚飯，因為佢小白屋木系設計充滿溫暖家居感覺。周圍有好多貓頭鷹同乾花擺設，再加上枱面葡萄牙風瓷磚，每一個角落都係打卡位。
今日去到，小店已經整左聖誕佈置好有節日氣氛，不過同店長傾開，得悉餐廳1月2號就會結業嘅壞消息。店主會繼續經營觀塘區嘅烘焙教室Hami Bakery @hamibakery，用另一個方式去堅持夢想同理念。
黑松露醬薯條 ($78)係廚師推介，每次嚟都要叫。薯條炸得挺身香脆，放得耐左都唔會變淋，亦唔覺得油膩。食落有薯香同微微鹹度，就算唔點醬都已經好好味，加埋黑松露醬係錦上添花。
意式巴馬火腿配意大利黑醋汁 ($78)以為係佐酒小食得d火腿，點知配上大碟沙律菜超豐富。Parma Ham粉嫰，切到好薄脂肪分佈均勻。入口香得嚟唔會太鹹。黑醋酸酸甜甜，提升咗火腿嘅鮮味。
北海道軟殼蟹配黑松露扁意大利粉 ($128)軟殼蟹都幾大隻炸得酥脆，手工Linguine煮到彈牙，黑松露醬汁香濃得嚟唔會太稠太黏口。配料有意大利青瓜同蘑菇，口感更加豐富。
骯髒 ($42) 拿鐵咖啡 ($36)咖啡用本地工場炒豆，餘韻帶花香。"Dirty"鮮奶夠凍，趁上面Espresso仲係熱果時，一啖飲落去可以享受冷熱交融嘅美味。
小店雖然剩番唔夠一個月就會結業，但過去美好嘅回憶同牆上果句"Never forget your hopes and dreams"永遠都會留喺心裡面。聖誕節我已經Book左位同朋友嚟影靚相兼慶祝，順便去Say Goodbye。
希望各位同路人都可以作最後支持，幫襯下好味又有良心嘅小店啦~
張貼
