小肥牛火鍋活魚專門店 (已結業)

今日一心一意帶屋企人去試小肥牛，殊不知換來一肚火!事綠喺下午大約5點左右到小肥牛等開門，一心諗住早食早走，由5點等到6點開門一刻先知無枱(但成個鐘入面都無人通知我哋無枱，叫我吔唔使等)，喺門口果個知客就話無walk in 大枱，之後就嚟一招(十問九唔應)，事後搵經理嚟講，佢既解釋係一早比人訂晒枱，之後我問佢點解上次我打嚟訂枱，當時聽電話既同事答我無訂枱喎，你自己walk in 嚟等位啦!我又問佢點解今日可以訂枱，佢唔識答我，淨係一味答。但係我自己4月幫襯過，當時真係要walk in等位，到5月諗住打去訂枱幫襯時，打極都無人聽，到有人聽時，對方就話無訂枱要自己去等位。但係到今日(6月9日)以為都係要自己去等位，所以一家人(12人)一早去等位，(因為要齊人先比入座)，點知今日就話比人訂晒枱。臨走前我吔問經理搞到我比屋企人話。咁既服務態度，加上公司朝令夕改既政策，(一時可以訂枱，一時又唔可以訂枱)，幾好食都唔會再嚟幫襯。我唔記得話比大家聽，喺今日呢件事入面唔淨係得我吔一家人，仲有另外兩家人既遭遇同我吔一樣!你吔話悲唔悲哀，今時今日仲有d咁既食肆存在。