波仔

營業中

休息中

呢排凍到唔想出街，好多時都係喺屋企解決三餐，不過喺凍到唔想落街買外賣嘅時候，最方便最懶嘅解決方法就係食波仔嘅叮叮食物，我諗唔少人都有同感！不過冇食波仔一排，原來出咗咁多新款式，而家連叮叮點心都有埋，唔使食來食去都係某兩個牌子！除咗急凍飯餐同點心之外，亦都唔少嘅氣炸食品，就連煙三文魚都有得賣，感覺好似一個迷你超市，真係夠晒方便！日式煎餃同小籠包味道都唔錯，外皮唔算太厚，而且小籠包入邊好多肉汁，冬天食真係暖笠笠！屋企人就比較鍾意呢個清湯牛腩，因為佢話平時炆牛腩實在好麻煩，花太多時間，而家幾分鐘就食得，而且味道都OK，有時夜晚唔想煮太多，叮呢個再加條菜就得。至於叮叮飯，我就比較鍾意食呢個咖喱雞飯，易入口又好味，有時Home Office太忙，食呢個都幾方便。