味真盞

營業中

休息中

本身住呢個屋苑好耐，老實說，真係好少上二樓行，住咁耐都無幫襯過呢間，亦唔多覺二樓有野食，依家好似新開左間咖啡店，而今日拎淘寶咁啱見到呢間，決定試試。睇相都知係頹，但頹得來有心機，野食係即叫即整，要等10分鐘左右。9菜水餃係自己包，屋企味度，唔會重味精，亦夠大碗。牛扒併餐肉煙肉飯（餸可自選）,黑椒汁，用料唔會有什麼特別，但勝在材料無雪味，而且牛扒唔韌無根，黑椒汁調味不錯，整體算好食。個飯送紙包飲品，如要罐裝加3蚊。成件事80幾蚊，呢個質素，CP值唔錯，街坊街里唔挑剔的話多個好選擇。起碼一定抵食過樓下呀一豬扒同果間酸辣粉，好食過果間兩餸飯同佢對面糖水鋪。