成都小巷米線雞煲 (和富道) (已結業)

秋意漸濃，最好就係約埋班friend一齊滾下滾下。之前唔小心經過比我發現到呢間仲停留係10年前價位既任食雞煲🤫 簡直抵到爛，諗都唔使諗，一於食佢。 $138起就可以以半自助火鍋形式任食雞煲烤魚。條魚大過我塊面。兩面煎香，勁脆皮，裏面滑捋捋。叫咗bb辣，食到我哋爽YY🤪🤪 雞煲仲正，超入味，味道比烤魚更濃。兩種唔同食法，各有千秋。 值得一提係佢哋午市粉麵都超級無敵宇宙級平！廿幾蚊有一碗米線，港島區喺邊度搵到？！你話我聽！仲要冷氣夠凍，一路食一路辣到流汗，但又雞皮直豎，$138送埋呢種體驗比你，邊度搵！