影片
更多
2012-04-12
57 瀏覽
位於the one 18樓的雅日式料理店唔多出名,但都推介一下,因為確實係抵!!!呢度供應壽司刺身鐵板燒等等,午市做緊買一送一promotion,點咩都得,只係收取最貴一份既價錢,呢度每個餐落差唔會太大,所以係真心抵!!!加埋個咁靚又舒服又面向海景既環境,仲想點吖~我同Mr,J今次係食最愛既鐵板燒,一個係鵝肝牛肉($280),一個係海鮮($270),加埋一都係total $300,即係每人$150,極極極抵!!首先上刺身,每人四片,仲有雜菜沙律,不過不失~賣飛佛之鵝肝~鵝肝上下夾住多士同蘋果片,又脆又爽之餘,又可以中和鵝肝油膩,鵝肝煎得香口,只有少少筋,加埋d醋汁好醒胃~大蝦同埋三文魚~大蝦質感有d實,唔夠爽脆,好彩有醬汁搭夠味道~三文魚好似熟左d,麻麻地~帶子一開二,肉質中間仍有少少溏心狀態,唔錯,d汁有少少酒香味,如果唔係為顧儀態,我會飲左佢~牛肉可選薄燒或厚燒,我地選左薄燒~牛肉味唔夠,調味都唔夠,要靠裡面包住既蔥,炸蒜粒提味,仲要點埋d芝麻醬~不過肉質係嫩滑的(我要medium)炒飯有d詭異,要詳細講下~之前睇過食評,話呢度d炒飯係一早炒定的,然後再翻熱~我坐係鐵板枱觀察,的確
我同Mr,J今次係食最愛既鐵板燒,一個係鵝肝牛肉($280),一個係海鮮($270),加埋一都係total $300,即係每人$150,極極極抵!!首先上刺身,每人四片,仲有雜菜沙律,不過不失~賣飛佛之鵝肝~鵝肝上下夾住多士同蘋果片,又脆又爽之餘,又可以中和鵝肝油膩,鵝肝煎得香口,只有少少筋,加埋d醋汁好醒胃~
大蝦同埋三文魚~大蝦質感有d實,唔夠爽脆,好彩有醬汁搭夠味道~三文魚好似熟左d,麻麻地~
帶子一開二,肉質中間仍有少少溏心狀態,唔錯,d汁有少少酒香味,如果唔係為顧儀態,我會飲左佢~
牛肉可選薄燒或厚燒,我地選左薄燒~牛肉味唔夠,調味都唔夠,要靠裡面包住既蔥,炸蒜粒提味,仲要點埋d芝麻醬~不過肉質係嫩滑的(我要medium)
炒飯有d詭異,要詳細講下~之前睇過食評,話呢度d炒飯係一早炒定的,然後再翻熱~我坐係鐵板枱觀察,的確師傅會為坐係散枱的客人將預先整好的炒飯加熱,至於我地嘛,係新鮮整的,所以斷估係坐係鐵板枱睇實先會有咁既待遇~炒飯我覺得一般,味道同配料都ok,但敗在質感,唔夠乾爽,有點濕潤,偶爾有d飯會黐埋一小舊,火候差d~
臨近結尾既味噌湯同香菜~香菜冇咩特別唔講喇,但個味噌湯真係要讚~我飲到最後都仲保持熱辣辣之餘,個湯唔過鹹但好好味,一定要飲~
結尾之甜品,無論賣相同味道都非常不俗~栗子蓉下面係朱古力蛋糕,正~
題外話/補充資料：
雖然呢度定價唔貴,但服務一點不差,由經理到廚師到侍應都態度良好,值得一讚!!
(以上食評乃用戶個人意見 , 並不代表OpenRice之觀點。)
張貼
