樂天皇朝 (已結業)

平日下午茶時份， 想食小籠包。 就近尖沙咀我哋去咗《樂天皇朝》。 難得平日下午茶時段光顧，有六折， 嘩勁抵叫咗好多點心！點心款款賣相精美， 樣樣都想試。《原味小籠包》$62， 幾時食都係 即叫即做， 皮夠薄又勁多湯汁， 肉餡不肥不瘦啱啱好肉味濃!《麻醬油麥菜》都係第一次食生嘅油麥菜， 油麥菜捲起之後咬落好脆口， 味道和熟咗嘅油麥菜有唔同，捲起再蘸麻醬， 好中式嘅沙律菜好特別。《肉絲配薄餅》肉絲夠嫩，肉一啲都唔嚡。 爆炒嘅醬油非常濃郁惹味， 配合蒸龍裏嘅經式薄餅和蔥白絲， 味道豐富醬汁濃郁！ 真有種食京式片皮鴨嘅感覺。《鮮肉卷拉麵》每次來都吃這個拉麵， 豬骨湯底配又幼又滑嘅上海麵 非常美味， 材料有肉片，木耳， 健康 又唔肥膩。《蔥油餅》酥脆可口， 裏面嘅韭菜同餡料 同樣美味!《炸饅頭》 也是我最喜愛的京式點心， 炸到金黃色，咬落唔油膩， 饅頭裏面好軟熟， 蘸練奶更帶出饅頭本身嘅甜味。《熱檸檬薏米水》， 自家煲製，內有好多薏米，令檸檬水入口順滑， 清潤。《紅油抄手》淋上的醬汁非常惹味，唔算太辣， 抄手餡料足， 非常美味。《 煎鍋貼》煎到金黃色的外皮， 香脆可口， 肉餡份量味道調較適中，