千両 (已搬遷) 新店位置

難得平日放假，當然要出動覓食。去完沙田，之後去咗圓方食下午茶。經過千両，抵唔住壽司誘惑！雖然已經三點半，但仲有lunch set, 於是叫咗個天婦羅蝦烏冬壽司定食，再加多醬油漬吞拿魚同加州卷。天婦羅蝦烏冬壽司定食天婦羅蝦同烏冬分開上，唔怕浸淋。烏冬非常煙韌彈牙。天婦羅蝦係即炸，但蝦無味，得個爽字。壽司有6件，有三文魚軍艦、海鮮卷、三文魚、蝦、鱆紅同辣油鰹魚。全部都非常新鮮好味。醬油漬吞拿魚又係非常好食，又好新鮮，吞拿魚鮮甜，配上醬油漬，已經可以唔洗沾豉油。加州卷好大件，比正常size大，所以一碟只有2件。