LE BAR (宜必思香港中上環酒店)

營業中

休息中

今次Staycation Package嘅CP值超高，住足24小時，仲要包埋早餐、晚餐同房間mini bar添！講緊嘅係位於上環嘅宜必思香港中上環酒店（詳情：24小時食住玩兼有維港景打卡），呢個Package嘅人頭價錢只係$352起，晚餐選擇咗喺酒店嘅Le Bar享用，餐廳並無將貨就價，選擇相當多，味道仲要唔錯添！是日餐湯今日嘅餐湯係南瓜湯，夠晒熱辣辣，相信用咗勁多南瓜，所以南瓜味濃郁，湯底夠甜又厚身，味道豐富。雜菜沙律新鮮沙律菜配上車厘茄同粟米粒，沙律菜非常新鮮爽口，加上秘製嘅沙律醬汁，令胃口大增。香煎鯛魚柳配蕃茄汁呢個擺盤非常靚，鯛魚柳竟然有兩條，全部都無骨，啖啖肉，同蕃茄汁非常夾。至於配菜有黃瓜、翠玉瓜、茄子同薯蓉，份量夠晒多！印式咖喱雞配絲苗白飯另外一個嘅選擇，就揀咗印式咖喱雞配絲苗白飯。咖喱汁微辣又夠香；雞則採用雞脾肉，所以非常嫩滑，同樣地份量非常多；仲有兩舊薯仔，主到勁腍勁入味。飲品晚餐仲包一人一杯飲品，整體嚟講非常豐富。