Pop Street (已結業)

好耐冇黎過第三街食飯！行過見到依間有唔同國家野食嘅餐廳～就入左去試！店員好好人！一坐低就同我地介紹唔同嘅菜式有咩特別～又講比我地聽份量／口味…等我地可以再慢慢揀～最後揀左seafood paella同埋羊～ 加每人一杯white wine～西班牙海鮮飯 係用煲仔飯嘅兜上 幾得意XD入面嘅海鮮份量都多！有魷魚、蝦等等…一啲都唔孤寒 ！而個羊呢… 店員一早講左係3成熟上碟嘅時候見到咁紅仲驚太生…但又唔係喎！好有羊味…而且配埋個香草醬 真係好好味！份量對兩個女仔黎講亦都好足夠！食到飽飽先離開～應該會再黎食係用心又好味嘅小店！