慢煮工業 (已結業)

收工口淡淡唔知食咩好，聽同事講尖東百週年紀念花園嘅慢煮工業係太子開左新店咁耐都未幫襯過，就同佢一齊過黎睇下水準係點嘅先。除左鋸扒之外呢度都有意粉薄餅之類有得揀，但一場黎到當然要試下佢地招牌慢煮菜式。所以就柯打左以下食物同埋啤酒，暢飲一番。先黎係佐酒小食。炸海鮮桶入面有蝦，魷魚圈同埋魚柳，炸得好酥脆但唔油膩。而且炸漿唔厚又黏得實所以唔會皮肉分離。之後就係主角，煙燻豬仔骨同埋菲力牛扒。煙燻豬仔骨用左12個鐘黎慢煮，所以連筋膜都煮到非常軟腍，輕輕用刀沿住肋骨之間切入就已經可以輕鬆將佢分解。食落軟腍一啲都唔柴口，完全體會到慢煮出黎嘅效果。加上略甜嘅燒烤汁嘅配合都係食唔停口。菲力牛扒雖然細細塊，但經過慢煮之後再煎焗表面，除左鎖住肉汁保持牛肉嘅軟嫩亦都令入口時仍有咬口。一百蚊唔使就可以品嚐到咁花時間心機整嘅食物，同事都話物超所值。呢度手工啤酒嘅種類都幾多有得揀，我飲呢隻係野豬。偏甘苦嘅味道同煙燻豬仔骨個味好夾，可以輕輕中和燒烤汁嘅甜味同油膩感，不錯。甜品同同事一人一款。無諗到個刀叉係膠做的，差啲大力過頭拗斷左。完全俾佢FAKE左。焦糖慢煮梨比想像中結實，入口半腍半爽脆個效果幾好。西班牙油炸鬼新鮮炸