影片
更多
2017-12-04
8725 瀏覽
秋風起，打火鍋嘅時機又出現了，最近去過位於旺角呢間新新地(?)嘅火鍋店，覺得質素都唔錯餐廳位置唔算好多，一邊係細枱，一邊係大枱，因為火鍋店都幾好生意，特別週五六日，建議最好先行預約。火鍋店以熊貓為標誌，座位、餐具、餐牌都加入熊貓、竹嘅元素。坐近窗邊，大玻璃視野廣闊，都幾舒適，唯獨冷氣有點弱，抽風不是很好，離開嘅時候，都有一陣邊爐香餐牌選擇豐富，湯底有超過十款，除左比較普通嘅沙嗲蕃茄薯仔芫茜之外，仲有矜貴啲海鮮類，例如花甲蟹煲、龍蝦煲等，定價$88-498。另有刺身、小食，配料方面有唔少海鮮，明碼實價；多款部位嘅牛肉、豬羊駝鳥肉、內臟、丸餃滑類、蔬菜、麵食等，價錢同一般火鍋店差不多醬料 $15/位、茗茶 $8/位大石砸死蟹鍋 $268 (原價$448)講到最吸引應該要數呢個【大石砸死蟹鍋】，原價食性價比唔高，但新張期內9:30pm前只係$268，如果係呢個價錢就幾抵食。見到個煲已經覺得好吸引，鍋底唔係好深，所以成鍋睇落好豐富而且隻蟹真係幾大隻，係原隻膏蟹，足料入面仲有大量蜆，加入蘿蔔、什菌、洋蔥、檸檬、九層塔煮成湯底，愈煲愈鹹鮮。蟹肉彈牙爽口，蟹腳、蟹鉗都好好肉地，蟹膏鮮味，食到蟹蓋愈刮
餐牌選擇豐富，湯底有超過十款，除左比較普通嘅沙嗲蕃茄薯仔芫茜之外，仲有矜貴啲海鮮類，例如花甲蟹煲、龍蝦煲等，定價$88-498。另有刺身、小食，配料方面有唔少海鮮，明碼實價；多款部位嘅牛肉、豬羊駝鳥肉、內臟、丸餃滑類、蔬菜、麵食等，價錢同一般火鍋店差不多
醬料 $15/位、茗茶 $8/位
大石砸死蟹鍋 $268 (原價$448)
講到最吸引應該要數呢個【大石砸死蟹鍋】，原價食性價比唔高，但新張期內9:30pm前只係$268，如果係呢個價錢就幾抵食。見到個煲已經覺得好吸引，鍋底唔係好深，所以成鍋睇落好豐富而且隻蟹真係幾大隻，係原隻膏蟹，足料入面仲有大量蜆，加入蘿蔔、什菌、洋蔥、檸檬、九層塔煮成湯底，愈煲愈鹹鮮。
大石砸死蟹鍋
$268
55 瀏覽
2 讚好
0 留言
大石砸死蟹鍋
$268
39 瀏覽
0 讚好
0 留言
蟹肉彈牙爽口，蟹腳、蟹鉗都好好肉地，蟹膏鮮味，食到蟹蓋愈刮愈多，連平時嫌棄食蟹好麻煩嘅我，都未停過口
大石砸死蟹鍋
$268
36 瀏覽
1 讚好
0 留言
蜆肉雖然唔係好肥美飽滿，但勝在量多，起碼有斤半，食極都仲有，吐沙乾淨。鍋底調味帶點香辣，不論蟹肉同蜆肉都好入味，蘿蔔冇渣夠甜。本來以為個鍋底好碎料，點知妹妹下啲蜆，食埋菇，都會有少少飽肚食完加湯繼續打火鍋，呢個湯底都有少少重口味。
封門柳 $168/小 ($238/大)
跟隔離枱機點左呢份封門柳，封門柳都係牛牛嘅罕有部位，鐘意牛味重嘅人可以一試因為只有我地兩人，所以點左細份，約16片。
牛肉比較細片，但唔會太薄，口感夠腍身，完全唔韌之餘牛肉味濃，油脂唔多。
封門柳
$168
52 瀏覽
0 讚好
0 留言
封門柳
$168
46 瀏覽
0 讚好
0 留言
手打野生紅蝦松露丸 $58/半份
手打丸餃可選全份/半份，較有彈性，人少少想試多幾款都可以。紅蝦松露丸都幾大粒，平時買紅蝦價錢唔平，加埋松露製成蝦丸四粒為半份。
始終松露味道比較強，點都蓋過蝦嘅鮮味，口感爽口帶點實，淥完都冇乜點縮水
鮮蝦雲吞 $42/半份
雲吞比較普通，皮有點厚，肉肉蝦都係普通質素。
葵花寶典 $78
即係蔬菜籃，娃娃菜、油麥菜、粟米、蕃茄。
葵花寶典
$78
47 瀏覽
0 讚好
0 留言
出前一丁 $20
食重口味煲，總係忍唔住用個一丁作結。
值得一提係，雖然當晚生意很好，店員都金睛花眼關注客人嘅需要，加湯、換碟都自動波，希望下次再訪，質素都能夠保持
餐牌：
張貼
