101台式休閒餐廳 (青衣城2)

營業中

休息中

放工約咗朋友喺青衣城食嘢，佢話想傾吓計敘吓舊，食就簡單啲，咁佢帶咗我嚟呢間台灣餐廳，諗住簡單食碗麵。坐低之後，店員姐姐推介我哋食一人火鍋，睇落幾吸引，結果我哋就由食麵變咗食火鍋😆。朋友叫咗$81嘅「台灣古早牛肉火鍋」，加$8「黑豚肉片」，加$4要咗「台灣滷肉飯」，再加$5要咗個「熱珍珠奶茶」。我就要咗$79嘅「台灣卜卜蜆火鍋」，加$3渝川麵，再加$5要咗「熱檸水」。兩個火鍋好快就嚟到，朋友話佢嘅「牛肉鍋」有香濃牛肉味，同埋牛肉好軟熟好入味，火鍋裏邊仲有好多蔬菜，有椰菜、蕃茄，食落幾好味。「卜卜蜆」新鮮肉質結實，同樣有好多蔬菜，感覺健康。食咗咁多嘢，每人都係$93，幾抵。