影片
更多
2022-09-17
165 瀏覽
西九龍中心嘅food court入面真係超級多舖頭，其中有啲長期都好多人幫襯，今次就去咗HAHA chicken食炸雞。個人超推薦精選套餐，$45至$48就有三大件無骨炸雞加一碗飯同飲品，抵食又實夠飽，大滿足！蒜香醬油炸雞餐（$47）外面裹滿濃厚嘅蒜香醬油，雞件表皮唔算太薄但咬落仍脆口，雞肉香滑唔乾柴！套餐仲包括一碗細卡邦尼飯，偏硬有咬口嘅飯上面鋪左厚厚一層卡邦尼汁，好滑同好重忌廉嘅香味，有少少邪惡但有驚喜！甜辣炸雞餐（$47）仲有兩件煙韌年糕，增加風味！跟餐嘅安東雞飯配料有雞粒、薯仔同蘿蔔粒，全部煮到軟腍入味，好啱送飯。辣芝士炸雞3件（$38）香脆炸雞外面均勻舖滿辣芝士粉，辣度唔太高，芝士粉好香同炸雞好夾，非常惹味！狂熱脆薯條（$34）長長嘅波浪薯條上面糝咗類似熱浪薯片味嘅香辣粉，好啱送炸雞，如果更熱同脆就更好啦。如果唔想落街又想係屋企舒舒服服咁嘆炸雞，係網上外賣平台 都有得嗌外賣，超方便！
個人超推薦精選套餐，$45至$48就有三大件無骨炸雞加一碗飯同飲品，抵食又實夠飽，大滿足！
蒜香醬油炸雞餐（$47）外面裹滿濃厚嘅蒜香醬油，雞件表皮唔算太薄但咬落仍脆口，雞肉香滑唔乾柴！套餐仲包括一碗細卡邦尼飯，偏硬有咬口嘅飯上面鋪左厚厚一層卡邦尼汁，好滑同好重忌廉嘅香味，有少少邪惡但有驚喜！
甜辣炸雞餐（$47）仲有兩件煙韌年糕，增加風味！跟餐嘅安東雞飯配料有雞粒、薯仔同蘿蔔粒，全部煮到軟腍入味，好啱送飯。
辣芝士炸雞3件（$38）香脆炸雞外面均勻舖滿辣芝士粉，辣度唔太高，芝士粉好香同炸雞好夾，非常惹味！
狂熱脆薯條（$34）長長嘅波浪薯條上面糝咗類似熱浪薯片味嘅香辣粉，好啱送炸雞，如果更熱同脆就更好啦。
如果唔想落街又想係屋企舒舒服服咁嘆炸雞，係網上外賣平台 都有得嗌外賣，超方便！
張貼
