東京チカラめし (已結業)

一個人冇嘢做去咗mikiki 行，行到有啲肚餓就見到呢間舖頭好似幾好食，選擇都好多。因為本身唔食牛同某啲海鮮，有好多餐廳都未必啱食。舖頭裏面幾大，又有卡位，雖然冇咩風景但係都坐得幾舒服。我叫咗一個燒豚肉飯配沙律，燒豚肉味道好濃郁，不過食落有少少煙韌。牙力唔係幾好就未必食得到上邊有少少菠菜（應該係），調味好好食，令到個飯冇咁油膩。個沙律都有兩至三款蔬菜，我另外有兩種沙律汁可以自行加落去，蔬菜份量都好多。