稻香 (北海中心) (已結業)

環境3分：裝修過黎光鮮左，但啲位就迫左，人多背對背，又幾嘈，不過中式酒樓算及格，畀佢三分。 衛生4分：每人一對手套食一蚊雞，衛生比一般好，畀佢四分。 服務2分：客人就多，不過樓面唔夠伙記，想搵人落單加茶都要等完又等，要扣佢一分。味道3分：1) 隻一蚊雞絕對唔失禮，奉上交剪手套，衛生又方便。肉質竟然多汁，同埋一啲都唔韌。一蚊嚟講，絕對有驚喜同超值。2) 碟菜正正常常，普普通通。3) 反而個冷盤豬手就麻麻地，唔算多肉。總數平均都有三分。抵食4分：兩個人食左三碟嘢，加埋兩個茶錢都係144蚊，晚飯嚟講都算抵，所以有四分。