南小館 (已結業)

落大雨既晚上響尖沙咀，唯有揀個商場搵食。咁啱見到The one 外牆有南小館既廣告牌，咁就衝左上去。星期一既夜晚八點，大概等左10分鐘就有位。呢度既茶好清香，每位茶錢都只係$6, 我同朋友全晚飲左至少4-5杯, 因為真係好好飲!而前菜$9一碟小籠包 $38小籠包一客5件，皮雖然稱唔上好薄，但中間咬開之後好多汁，肉味香濃而唔會有好肥膩既感覺，所以呢個價錢幾抵食香蔥餅 $38好鐘意呢個香蔥餅，之前去過其他分店食過好油，但呢間做得唔錯，外層佈滿芝麻而且炸得香脆，即使我用紙巾吸一吸油，都唔會有好明顯既油積，而中間餡料有九菜同少少豬肉。豬扒擔擔麵 $48豬扒好厚肉，但外層唔香口冇驚喜，只係食到啖啖肉冇咩口感。