影片
更多
2017-06-21
1615 瀏覽
香港好多人都會選擇出街食飯，因為收得工黎又趕唔切去買餸，買得切黎又唔想煮，就算鍾意煮又唔想洗，倒不如簡單食埋飯先返屋企。至於五六日，公眾假期或者係大時大節，大家又會想去chill下，又會出街搵食，所以好多地方一到食飯時間都會出現人龍。唔book定位9成都要排隊慢慢等，唔記得book位又唔想慢慢等既，最好就避開d peak hour，好似我咁，今日係父親節，我就同爸爸6點鐘食飯慶祝，避開人潮✌🏼慶祝父親節，當然揀番爸爸鍾意食既中菜啦，但係好多酒樓中菜館都會推出d孝順父親餐黎鋸你一筆，所以我就搵左間小店同爸爸慶祝。雖然係小店，但係爸爸都好滿意呢間小店係食上海菜既，位置係係西洋菜北街，旺角警署後面，距離太子地鐵站1-2分鐘路程，非常方便。佢入面既裝修簡單，環境一般。Menu呢度係d舊式既上海菜館，所以傳統野都有得食。醉雞（半隻）$144呢個醉雞浸得好入味，花雕酒好香濃，而且雞肉嫩滑三式拼盤（素鵝，烤夫，鎮江肴肉）$68雖然賣相望落就唔係好吸引，但係味道都唔錯架。先講素鵝，個皮煎得好香脆，口感味道都好好。至於個烤夫呢，其實佢都係素食食品黎既，口感鬆軟有彈性。而個肴肉都有d入口即溶既感覺上湯小籠
慶祝父親節，當然揀番爸爸鍾意食既中菜啦，但係
好多酒樓中菜館都會推出d孝順父親餐黎鋸你一筆，所以我就搵左間小店同爸爸慶祝。雖然係小店，但係爸爸都好滿意
呢間小店係食上海菜既，位置係係西洋菜北街，旺角警署後面，距離太子地鐵站1-2分鐘路程，非常方便。佢入面既裝修簡單，環境一般。
Menu
呢度係d舊式既上海菜館，所以傳統野都有得食。
醉雞（半隻）$144呢個醉雞浸得好入味，花雕酒好香濃，而且雞肉嫩滑
三式拼盤（素鵝，烤夫，鎮江肴肉）$68
雖然賣相望落就唔係好吸引，但係味道都唔錯架。先講素鵝，個皮煎得好香脆，口感味道都好好。至於個烤夫呢，其實佢都係素食食品黎既，口感鬆軟有彈性。而個肴肉都有d入口即溶既感覺
上湯小籠包$33
呢個小籠包皮唔算薄，但係入面就好juicy，一口食落去好似醬爆丸咁d湯係個口入面flooding
香煎餃子$33呢個煎餃好好味，皮煎得好酥脆，入面餡料又夠多，再配埋豆瓣醬，正
正宗酸辣湯$56呢個酸辣湯好足料，有豆腐、香菇、木耳等等，味道有齊酸，辣，鮮，甜，仲好開胃tim
清炒草頭$68
呢個菜都好清新，味道一般
上海粗炒$55
呢個粗炒好夠鑊氣，味道又夠，而且大大碟，好抵食
豆沙鍋餅$33
呢個豆沙鍋餅外面香脆內軟，味道又唔會過甜，好適合老人家
張貼
