影片
更多
2017-03-10
854 瀏覽
難得今日dayoff唔使返學，就同朋友係新都城行下街。行到餓餓地，朋友提議不如坐低食下野，咁啱見到有間新開既餐廳，下午茶menu有好多唔同種類既食物揀好似幾吸引，就決定試下啦。可能係閒日既關係，lunch hour又過左，見到間餐廳唔算多人，我地唔洗等位就直接有得入去坐低。我地坐卡位，又大又闊落，張梳化坐得好舒服。重點係餐廳有免費wifi提供，啱晒我同朋友呢啲最鐘意一邊食飯一邊碌手機既人呀！我同朋友叫左一個泰式炒金邊粉加一個芒果糯米飯，野飲當然係揀龍眼冰啦。啲野食好快就黎到，金邊粉既賣相好靚，好足料，有成四隻大蝦咁多呀！仲有我最鐘意既豆卜呀。金邊粉既味道唔錯，炒得好有鑊氣，醬汁既酸度適中，好開胃。啲粉好有咬口，好彈牙，撈埋啲花生碎一齊食，非常香口。最得意係佢芒果糯米飯係比大半隻芒果你，唔似其他餐廳咁得幾粒芒果。個飯一黎到既時候已經聞到好香既糯米味，食落暖暖地，唔會太黏口或者太硬，口感煙韌，蒸得啱啱好。芒果好甜，一啲都唔酸。倒埋椰漿落去，甜度啱啱好，不過唯一美中不足既係椰香味唔算好重。重點係個糯米飯既份量唔算太大，食完都唔會覺得太滯。龍眼冰飲落唔會太甜，好清涼，又可以下火，啱晒我呢啲燥底
可能係閒日既關係，lunch hour又過左，見到間餐廳唔算多人，我地唔洗等位就直接有得入去坐低。我地坐卡位，又大又闊落，張梳化坐得好舒服。重點係餐廳有免費wifi提供，啱晒我同朋友呢啲最鐘意一邊食飯一邊碌手機既人呀！我同朋友叫左一個泰式炒金邊粉加一個芒果糯米飯，野飲當然係揀龍眼冰啦。
啲野食好快就黎到，金邊粉既賣相好靚，好足料，有成四隻大蝦咁多呀！仲有我最鐘意既豆卜呀。金邊粉既味道唔錯，炒得好有鑊氣，醬汁既酸度適中，好開胃。啲粉好有咬口，好彈牙，撈埋啲花生碎一齊食，非常香口。
最得意係佢芒果糯米飯係比大半隻芒果你，唔似其他餐廳咁得幾粒芒果。個飯一黎到既時候已經聞到好香既糯米味，食落暖暖地，唔會太黏口或者太硬，口感煙韌，蒸得啱啱好。芒果好甜，一啲都唔酸。倒埋椰漿落去，甜度啱啱好，不過唯一美中不足既係椰香味唔算好重。重點係個糯米飯既份量唔算太大，食完都唔會覺得太滯。
龍眼冰飲落唔會太甜，好清涼，又可以下火，啱晒我呢啲燥底人士呀。🙈 入面有好多龍眼肉，一邊飲仲可以一邊大啖大啖咁咬啲肉。
最後食完都係唔夠喉，再同朋友叫多個法式燉蛋芝士餅share。個芝士餅既賣相都唔錯，面頭既焦糖又香又脆，入面既芝士好滑好creamy，份量啱啱好，食落都唔會覺得好膩。唯一敗筆佢既餅底無味又唔脆，如果可以改善就perfect啦。如果同大一班朋友去開新都城行街，都可以黎試下佢既下午茶。下午茶menu有咁多唔同種類既野食揀，就唔使怕揀唔到食咩好啦！
張貼
