影片
更多
2019-12-21
10603 瀏覽
同屋企人做節但係又唔想食中菜咁悶，所以嚟咗依間喜來登酒店2樓食自助餐下午茶，因為搵到匯豐卡有折，我哋四個大人都係1100蚊有找。雖然話係下午茶但係都幾多嘢食，我唔知道午餐或者晚餐係咪仲多啲嘢食但係依家都好夠。熟食都好多選擇，冬菇蒸雞蒸得好滑，除了Galette 太鹹了有少少嚇人，其他嘢食嘅質素都正正常常咁囉。佢嘅海鮮都不錯，蟹鉗啖啖肉，青口同蝦鮮甜，選擇唔算多，但係以下午茶呢個價錢來講都唔錯㗎。刺身只有三種，玉子其實不算是刺身，咁樣擺落嚟扮係刺身真係好搞笑。三文魚因為驚多蟲所以我唔會食㗎，主打就係呢隻鯛魚啦，好好好好味！食咗三碟，飽！生果都好多選擇，比較特別係有個木瓜，蟠桃，其他正路野譬如菠蘿同埋西瓜真係甜到爆，懷疑佢係咪浸左糖水。甜品都係好多選擇啊，真係花多眼亂，不過不失啦質素就，我鍾意佢好有聖誕氣氛，festive 既甜品好靚！總括來講，呢個價錢抵到爛啦，no complain!
熟食都好多選擇，冬菇蒸雞蒸得好滑，除了Galette 太鹹了有少少嚇人，其他嘢食嘅質素都正正常常咁囉。
佢嘅海鮮都不錯，蟹鉗啖啖肉，青口同蝦鮮甜，選擇唔算多，但係以下午茶呢個價錢來講都唔錯㗎。
刺身只有三種，玉子其實不算是刺身，咁樣擺落嚟扮係刺身真係好搞笑。三文魚因為驚多蟲所以我唔會食㗎，主打就係呢隻鯛魚啦，好好好好味！食咗三碟，飽！
生果都好多選擇，比較特別係有個木瓜，蟠桃，其他正路野譬如菠蘿同埋西瓜真係甜到爆，懷疑佢係咪浸左糖水。
甜品都係好多選擇啊，真係花多眼亂，不過不失啦質素就，我鍾意佢好有聖誕氣氛，festive 既甜品好靚！
總括來講，呢個價錢抵到爛啦，no complain!
張貼
