元気寿司 (恆福商業中心)

營業中

休息中

難得平日放假，去食返個平日先有的下午茶。午後の自選三食Genki tea set (2:30pm-5:30pm)都幾多元化，自由配搭。$50三樣嘢好抵食。寿司盛🍣想食長鰭吞拿魚、蒲燒鰻魚，所以揀咗B。其餘仲有蟹籽沙律、赤海蝦、三文魚。雖然係下午茶，不過份量同平常的一樣。今日啲魚生都算新鮮。小食就揀咗🎃南瓜薯餅。成個下午茶最好味的一項。外面炸到脆卜卜，入面係甜甜、軟綿綿的南瓜蓉🎃輕食揀咗紅豆今川燒依個一定要趁熱食！凍咗食就會覺得太甜太膩，同埋個皮會軟腍腍。