影片
更多
2013-09-15
103 瀏覽
由吉豚屋開業時，已知道每日下午茶都有吉列豬扒三文治吃，我地好早期已話要找個週末一試，一拖就拖到今日睇完戲嚟食下午茶了。由於差不多5點，可能頭輪下午茶已散，又或大家都去平啲既快餐店便算，所以不用等位就可以吃了。餐牌選擇有7款，包括湯咖哩烏冬及普通湯烏冬(均配吉列雞扒)﹑吉列豬扒定食﹑迷你吉列豬/雞扒/炸蝦滑蛋飯﹑迷你咖哩吉列豬扒/雞扒飯，以及我最想食既吉列豬扒三文治，所有食物均冇飲品，加6蚊可配咖啡或茶﹑汽水﹑特飲咁，價錢由25蚊至45蚊不等，要加一。我嚟既目的係吃三文治，但見倒餐牌有湯咖哩烏冬其實都想試呢，留番下次晚飯去食好了！老公則點了我不吃的迷你吉列豬扒滑蛋飯，另外我點了一杯熱既菊花蜜。飲品先上，初時以為好似泰式飲品咁淨溝蜜糖，但佢加左兩朵菊花落去...不過結果都係一樣，冇味的。等左一陣老公個迷你滑蛋飯到來，個樣看似幾靚，但老公話唔好味，個飯係扮日本珍珠米既...而個豉油汁又落唔到飯度，所以成件事扣哂分！我冇食，唔知有幾啱啦！冇留意老公有冇先撈後吃，留番你地自己試完再 comment 吧！我的三文治看來是即點即整的，等左好耐終於上桌了。熱呼呼的有煙出，見倒豬扒算厚，有少少豬扒汁椰菜
餐牌選擇有7款，包括湯咖哩烏冬及普通湯烏冬(均配吉列雞扒)﹑吉列豬扒定食﹑迷你吉列豬/雞扒/炸蝦滑蛋飯﹑迷你咖哩吉列豬扒/雞扒飯，以及我最想食既吉列豬扒三文治，所有食物均冇飲品，加6蚊可配咖啡或茶﹑汽水﹑特飲咁，價錢由25蚊至45蚊不等，要加一。
我嚟既目的係吃三文治，但見倒餐牌有湯咖哩烏冬其實都想試呢，留番下次晚飯去食好了！老公則點了我不吃的迷你吉列豬扒滑蛋飯，另外我點了一杯熱既菊花蜜。飲品先上，初時以為好似泰式飲品咁淨溝蜜糖，但佢加左兩朵菊花落去...不過結果都係一樣，冇味的。
等左一陣老公個迷你滑蛋飯到來，個樣看似幾靚，但老公話唔好味，個飯係扮日本珍珠米既...而個豉油汁又落唔到飯度，所以成件事扣哂分！我冇食，唔知有幾啱啦！冇留意老公有冇先撈後吃，留番你地自己試完再 comment 吧！
我的三文治看來是即點即整的，等左好耐終於上桌了。熱呼呼的有煙出，見倒豬扒算厚，有少少豬扒汁椰菜絲，試一口，豬扒鬆化，麵包軟軟的幾好味，如果有沙律醬相信會更好吃。我自己就加了芥末同吃，味道提升了不少，再嚟加埋柚子醋定芝蔴醬同食，最好味呀！下次如想再吃這熱辣辣鬆脆既吉豬三文治，我一定會嚟吉豚屋的！(近近地嘛)
張貼
