范克廉樓咖啡閣

營業中

休息中

難得入中大，梗係要去coffee con食個下午茶。叫左個一號餐真係勁！$18.5就有一碗雜菜沙茶牛肉公仔麵，一塊火腿扒，仲有牛油方包，仲配一杯熱飲！！！本身仲驚沙茶唔知會唔會辣，事關我唔係幾食得辣，點知食落碗麵又幾好食喎，唔知係我肚餓定點，沙茶既味咸咸地，唔算太辣，幾香，有兩三塊牛肉都幾滑。而火腿扒同牛油方包就係分開既，不過我都係夾埋當三文治咁食，都唔錯。最後，飲埋杯熱菜蜜，飽哂！