炑八韓烤 (已結業)

一出𨋢右手邊有一個細細的影相區，好搞笑！雖然炑八主打韓式燒烤，但其實亦有其他韓食。下午茶時段比較少人，唔怕隔離枱煙到自己一陣味。雖然係下午茶，依然有前菜有湯。今日食：烤牛肉蛋包飯($48)：半生熟蛋，好奪目；裡面包住甜甜地嘅橙色飯，味道同飯質都OK；牛肉味都咸甜適中，同其他香港嘅韓式牛肉都係咁上下；最驚喜係個份量好似一份正常午餐！烤牛肉流心蛋飯($48)：同烤牛肉蛋包飯最大分別係少咗啲牛肉，多咗啲配菜，同埋半生熟蛋換咗生蛋，味道清啲，要咗小碟辣醬來餸飯。跟餐小食紫菜包飯($8四件)：清啖，紫菜唔脆(不過韓色好似是咁的)。跟餐飲品花款都唔少，柚子蜜同菊花蜜都夠味。