大餃子 (已結業)

喺銅鑼灣做完嘢，下午茶時間有少少餓，決定去食街渣甸街搵食。見到開咗間叫大餃子既餐廳，價錢大眾化，環境企理，決定入去幫襯。除咗餃子，仲有粥食，食番碗新鮮鯇魚腩 粥暖胃，熱辣辣嘅靚粥粥底綿滑，魚腩新鮮肥美，粥底吸收曬魚嘅鮮味，又濃又香，又大碗，$40超抵食。酸辣湯亦都係招牌，38蚊勁大碗，材料好多，非常足料，有木耳絲，紅蘿蔔絲，筍絲 ，蛋花，豆腐，豬紅等。白菜豬肉餃大大隻，新鮮爽脆，豬肉鮮甜。豆漿係即磨，豆味濃郁，健康。