Mirage Bar & Restaurant

營業中

休息中

萬麗經常推出下午茶優惠，所以我哋每一期都會去試一下。而且環境好，因為喺正酒店大堂，所以樓底好高，好有空間感，座位與座位之間，有一定距離，現在疫情期間位置距離真的很重要。今次好好彩被安排坐梳化位，夠晒寬躺，幾啱同閨蜜一齊慢慢食下午茶，慢慢傾偈。鹹點有慢煮雞胸三文治，牛肉他他薄餅，水牛芝士配黑醋士多啤梨。甜點有士多啤梨芝士蛋糕，士多啤梨馬卡龍，玫瑰白酒啫喱，玫瑰士多啤梨撻，萬麗芝士蛋糕，野苺朱古力，鬆餅。個人最推薦嘅當然係萬麗招牌菜芝士蛋糕啦！芝士味非常豐富。另外，士多啤梨芝士蛋糕同士多啤梨撻都好食，前者係有士多啤梨朱古力外皮包着蛋糕，口感特別，後者嘅餅底亦都好鬆軟，兩款食品嘅甜度亦都剛剛好。至於玫瑰白酒啫喱就唔多識欣賞，有點難食，可能因為我唔太好酒。