紅茶 (已結業)

是日出城, 消費到廢寢忘食 本來想搭車返屋企, 但係都係餓到要食返個TEA 先, 途中見到紅茶, 記得食過荃灣果間都OK, 咁就GOGOGO 啦! 🏃‍♀️🏃‍♀️🏃‍♀️入到去, 原來食店好大, 除咗地面果層, 仲有地下一層, 好多座位。去到已經17:00 左右, 好彩仲有下午茶叫。焗芝士腸仔肉醬意粉熱辣辣嘅焗肉醬意粉, 份量比正常細, 可能係下午茶關係啦!呢個係老公點嘅, 所以我只係食咗少少, 味道正正常常。脆炸雞脾伴沙律炸脾SIZE 較大隻, 炸到勁脆! 而且入味, 食落唔會冇味!沙律係傳統港式沙律, 沙律醬份量適中。係略嫌沙律少咗D, 唔夠喉。