茶東西

營業中

休息中

朋友一直推介呢間茶餐廳，今日終於去食到！餐廳名字幾特別叫茶東西，店舖環境光猛，尚算乾淨！下午茶有多款選擇，唔想食太多嘅話可以叫三文治或者多士等輕食，今日我哋比較肚餓，所以叫咗兩碟意粉🤪🤪🍝卡邦尼意粉要煮得好食嘅卡邦尼唔容易，而去得茶餐廳食卡邦尼意粉，一般都唔會預太大期望😅但呢間嘅卡邦尼意粉確實有驚喜！卡邦尼汁濃郁，夠杰身，包住每一條意粉，好正！雖然用上了煙肉片，但煎得頗為香口，而且意粉硬度適中，性價比高！🍝拿破崙雞肉意粉前排因一套日劇而大熱的拿破崙雞肉意粉！大大碟好抵食！拿破崙汁算正常發揮，雞肉煮得啱啱好，唔會過熟，好味道! 😌😌😌而且有三色椒和蘆筍作配料，有益健康！