影片
更多
2010-09-22
87 瀏覽
上次，去 IFC Godiva 飲完杯香蕉朱古力特飲，個女 Sales 俾咗份中秋版 Catalog 我睇，起初，我唔打算買中秋系列朱古力及朱古力月餅；純粹好奇攞Catalog 返屋企睇吓！ 今次嘅Cataglue 設計跟往時復活節一樣，可以打開成一張大海報。我想買中秋節朱古力禮盒，有兩款口味：Milk Strawberry & Dark with Caramelized nuts.中秋節朱古力禮盒 ：$185 / 16片 ( 平均 $11.56 / 片 )入到尖沙咀 Godiva，我問 Sales 有無中秋節朱古力禮盒？佢話賣哂禮盒！只有中秋節散裝朱古力 ：$150 / 20 片。OK 喎！平咗又多咗！每片唔使 $10，平均 $7.5 / 片；好抵食呀！自家人食不在乎包裝，只在乎食物嘅味道與質素，以及分享時嘅快樂！所以，我買咗中秋節散裝朱古力，有兩款口味：Milk Strawberry & Dark with Caramelized nutsMilk Strawberry ( 牛奶士多啤梨朱古力 ) 淨重：5.4克成份：可可粉 30%, 固體牛奶 24%；含有奶及大豆。撕開包裝紙，
我想買中秋節朱古力禮盒，有兩款口味：Milk Strawberry & Dark with Caramelized nuts.
中秋節朱古力禮盒 ：$185 / 16片 ( 平均 $11.56 / 片 )
入到尖沙咀 Godiva，我問 Sales 有無中秋節朱古力禮盒？佢話賣哂禮盒！只有中秋節散裝朱古力 ：$150 / 20 片。OK 喎！平咗又多咗！每片唔使 $10，平均 $7.5 / 片；好抵食呀！
自家人食不在乎包裝，只在乎食物嘅味道與質素，以及分享時嘅快樂！
所以，我買咗中秋節散裝朱古力，有兩款口味：Milk Strawberry & Dark with Caramelized nuts
Milk Strawberry ( 牛奶士多啤梨朱古力 )
淨重：5.4克
成份：可可粉 30%, 固體牛奶 24%；含有奶及大豆。
撕開包裝紙，已經聞到香甜嘅朱古力味，一咬開，見到士多啤梨籽！真係令我意想不到！味道甜中帶士多啤梨獨有嘅酸味！配搭好特別；味道出奇地夾！唔好睇少呢塊薄薄嘅朱古力片，略有口感！士多啤梨迷必試！
Dark with Caramelized nuts ( 焦糖果仁純朱古力 )
淨重：5.4克
成份：可可粉 50%；含有果仁、奶及大豆。
唔知以為係黑朱古力配碎果仁粒，原來係焦糖果仁碎。雖然可可粉佔 50%，但係被好甜嘅脆脆焦糖粒搶去風頭，喧賓奪主！見到有果仁碎，反而食唔出！成塊朱古力食落好甜！食完即刻飲咗1杯水。 個人不太喜歡呢款朱古力，可能係不太討好，所以同好味嘅朱古力 pack 埋一齊！
我之前食過 72% 濃度朱古力片，對比之下，朱古力味更濃郁，略帶苦味！亦沒有這麼甜，糖分較少。黑朱古力係朱古力中比較健康一款，可一嚐朱古力滋味之餘，又可補充一點 Energy ；不失為輕盈方便嘅下午茶。如果怕肥嘅女仔會較啱食！
另外，朱古力月餅係成吋厚嘅實心朱古力，聽起嚟都怕怕；就算可以切開都係咁話，的確好 heavy ！相信收到嘅人只有一時開心，見到個實心朱古力月餅未必開心！
服務：購買前後， Sales 兩個樣！
當日，9月11日(星期六)，我著得 casual，唔同平日著得斯文。走入去 Godiva，Sales 見到有人走入去，都會叫歡迎光臨；我走去搵中秋節朱古力禮盒，兩個Sales動篤企喺度，好似對腳黏住地下，亦好被動，完全無意識走嚟問我有咩需要？係我走去問個Sales有無中秋節朱古力禮盒？話只有中秋節散裝朱古力喺收銀位度。好啦！我決定買散裝朱古力！
當我俾完錢之際，個Sales叫我慢慢擺好$$及銀包！然後，一位店長/店經理專登由收銀位兜圈出嚟，親手俾袋朱古力我！唔係就咁遞俾我！我只係買 $150已經咁樣，唔知買盒朱古力月餅會係點？
不過，上次我去 IFC Godiva ，Sales及收銀都好有禮貌，由我走入去直至離開。但係我當日只係幫襯 $39 買杯飲品同埋一樣著得 casual！
張貼
