串燒堂 (已結業)

放工約佐朋友過西環食飯，大家都唔係好肚餓，行過見到呢間串燒店幾特別，門口望到餐牌價錢有幾大眾，決定一試。餐牌掃QR code就睇到，大部分既價錢都係大約$20-$40，非常親民。鍚紙燒麻辣金針菇 $38首先來到既係麻辣金菇，份量好足，燒得好香，底配埋娃娃菜，味道濃郁唔算好辣。蒜蓉燒大大茄子 $36燒茄子同樣大大份，落足辣粉燒又香又甜，皮微帶脆，茄子仍然Juicy。雞肉棒串 $18燒絕味雞軟骨 $18燒蒙古羊肉串 $22流心芝士年糕 $32串燒熟度岩岩好，餐廳特別用一個鐵板放，上枱仍然用火heat住，保持熱度。雞肉棒串醬汁帶微甜，啖啖肉夠滋味，雞軟骨食落爽脆，羊肉串羊膻味濃，喜好羊味食貨必點，特別鐘意佢地既芝士年糕，食落帶有拉絲感，口感似Mochi，值得encore。超美味玉子燒 $28玉子燒大大件，蛋做得好滑，帶甜味，可以作為甜點。三重芝士撈丁 $56芝士撈丁感覺簡單，但係食落一d都唔簡單，芝士好濃，有軟硬芝士混合，撈埋instant noodle 真係非常邪惡，好好味，絕對係必點推介，喺呢一刻咩減肥增肌plan都唔記得啦。最後再點2枝椰青水，價錢唔貴，都係$12，完美作結。簡單一餐每