焱燒串燒專門店 (已結業)

地道嘅串燒店係九龍區選擇都唔係好多，今次介紹依間《焱燒串燒專門店》有啲喜出望外。餐廳主要用霓虹燈設計，配以許多玩味嘅潮語，例如「阿姨我不想努力了」，增添氣氛。所有串燒都係即叫即燒，所以要預啲時間。串燒類鹽燒牛舌心$38牛舌心係比較爽口，好厚肉，牛肉味濃。鹽燒安格斯一口牛$38一啖咬開都係肉汁，外層就少少焦香，加少少鹽食一流。焱燒自家製叉燒串$18叉燒肥瘦均勻，食落好軟身，醬汁又帶少許甜味。汁燒火雞腎$16外皮好有嚼勁，食落爽脆。鹽燒雞軟骨$16燒到好香脆，脆卜卜咁。鹽燒多春魚 $28燒完之後仲係成條多春魚，魚仔比較脆身，裡面好多魚籽。燒焦糖菠蘿$16估唔到咁甜，內層又有少少菠蘿嘅酸味。蒜蓉燒生蠔 半打 $148滿滿嘅蒜蓉加上少許秘製香辣粉，少少辣。生蠔都好新鮮同埋大大隻，好惹味。至於蔬菜類原條蒜香茄子$35真係必點嘅菜式之一，首先上面嘅蒜香醬汁好香濃，重點係茄子嘅內層肉一啲都唔乾，同埋唔好痴住啲外皮，食落好多汁，好正。牛油粟米 $22牛油味好香濃，同粟米嘅翻味好夾。焱燒串燒專門店 (佐敦)佐敦偉晴街81-87號翡翠閣地下B號舖