串燒堂 (已結業)

平時好少去西環，趁今日比平時早放工，所以過嗰邊探親戚，探完之後同朋友一齊食串燒😋店舖開咗唔係好耐，見佢既價錢合理，所以我地決定入去食。我地叫到成枱野，自己比較鍾意呢幾樣：玉子燒超級好味，食落散發出濃郁蛋香！流心芝士年糕咬落煙煙韌韌，而且中間既芝士份量唔少。雞軟骨粒粒都炸到金黃色，食落香脆可口，點埋個醬食就冇咁熱氣。花甲粉味道微辣，食落幾開胃。欣賞佢d花甲好乾淨，全部都唔會有沙。法式鵝肝多士塊多士烤過，兩面有少少燶邊，而鵝肝都頗肥美。