芝加哥串燒 (美豐花園) (已結業)

太和呢度真係好多嘢食，呢間串燒嘅價錢非常親民而且質素都有一定保證。食串燒再配啤酒簡直係完美。🔺香草牛油燒春雞配薯菜 ($73) 燒春雞係經過炸嘅，所以佢嘅皮食落非常之香脆！我哋都等咗一段時間，所以應該係即叫即整。上菜時熱辣辣。個醬係芥末黎，薯條都香脆可口，稍為美中不足嘅係肉質稍為乾咗啲。🔺燒鰻魚肥美可口，濃郁風味，冇骨。🔺燒司華力腸香脆，內裏保持濕潤，唔錯。🔺金菇肥牛卷調味適中，肥牛嘅肥瘦程度啱啱好。🔺燒粟米上面有好濃郁嘅牛油汁，而且有一陣蒜味，令牛油粟米嘅味道加上一個層次。🔺燒菠蘿呢個係連皮上嘅，上面加咗少少士多啤梨汁，令個味道更豐富。🔺炸魷魚魷魚爽脆新鮮，但略嫌炸粉過厚。