美味佳 (已結業)

我地6點零鐘到 唔洗等位 但7點後已經人山人海 呢度環境逼夾啲 衛生方面比上次尼既時候好左啲 起碼隻碟唔係拎上手已經油淋淋雖然廚房就係隔離 但係一啲都唔會熱 冷氣好強勁 坐耐左覺得有啲凍添🥶 唔知係咪冷氣勁得濟 啲野食雖然燒起冇耐 但食落唔係話太熱食物方面雞翼 真係好抵食 $29/3串 可以揀雞中翼/雞肉/雞全翼 雞翼岩岩燒起 外皮脆卜卜 又唔會太咸 牛舌都好味 厚身彈牙另外 我地仲叫左司華力腸 金菇 翠肉瓜 豆角個啲 正正常常咁 不過個日啲豆角好似未燒透咁生生地