陀地燒 (已結業)

嚟到中環，朋友推介嚟到陀地燒食串燒，即燒熱辣辣上枱，上菜都好快，一碟接一碟～晚市好旺場，一定要提早預約，walk in要夜晚九點先有位～呢個黃金奶黃包必叫，香脆外皮，內餡係綿滑香甜嘅奶黃，點煉奶食好正～錫紙金菇，蒜香入味～～薄切牛舌，柔軟嫰口～蜜糖牛油燒面包，酥脆香甜，好滋味～燒翠玉瓜、菠蘿、粟米都燒得唔錯～雞軟骨，味粉調味幾惹味～燒豬頸肉、燒雞翼，啖啖肉之選～～陀地燒茄子，非常有特色，茄子面鋪上辣菜脯，茄子燒到軟林，一絲絲茄子肉配辣菜脯多重口感，幾正～陀地燒生蠔、燒元貝，惹味鮮甜～秋刀魚，外皮香脆，魚肉嫰滑～菠蘿青檸梳打、柚子蜜梳打，解渴一流！