泰筏味泰國船河專門店 (已結業)

早排見到有人係社交網站講大角咀新開左間抵食既泰國船粉,我同大爺知道之後緊係即刻沖去試下啦🤣位置都好闊落,可能因為好新所以比較少人,要先係收銀比錢叫左野食先,收錢就會比個牌仔你,咁就可以坐定定等食喇坐坐下老闆行埋黎同我地講可以自己拎水同湯飲,個湯係菜乾豬骨湯,絕對唔馬虎,夠曬火喉無乜味精味,希望佢地可以保持得住啦☺️我同大爺都叫左豬雜船河,每碗都係$15,雖然份量比較少,但食2碗都抵呀,味道同係泰國街邊食既味道好似呀,湯底夠味👍🏻👍🏻另外飲品優惠$8,我揀左泰式奶茶,大爺揀既係椰汁冰,但佢地係入定放入冰箱,夠凍但無冰😂不過都係唔錯既體驗,下次黎食既時候可能已經大排長龍喇